鄉郊

投書:社運與疫症之下 拉闊本地農業新想像

home office 多咗時間落田,都多咗時間懷疑人生。

交友不慎投身社運第十年,更係關注最難搵食嘅農業同埋對抗主流發展觀嘅土地運動,一直都好奇,明明都冇乜利益好爭,點解都係咁容易罵戰咁難合作?經歷雨傘運動同埋流水革命先明白,正正係因為冇乜個人利益,先會咁易不歡而散。

行頭細難養全職,有心人往往要用半職甚至工餘時間去關注議題,養家行先的時間分配,容易跟甩miss deadline,本來已經唔容易長期合作。全職同義工嘅心態更容易出現矛盾,前者重視效率及可行性,後者容易滋生「喂我義工嚟架咋,肯幫你重想點?」嘅心態,連同投身運動的理想去挑剔實際運作時的細節妥協。尤其是對於健忘嘅香港人,對議題熱情減退時就返去正常生活。

反而當一盤生意咁做,大家更容易用個人收入去分配生活時間,去除義工心態就令大家更上心,身位更平等地理性討論細節。正所謂自己都不愛,怎麼相愛,將個人生計扣連運動議題,就會更務實地要求自己及別人,更持久地參與運動。自從做人老竇冇得做衝衝子之後,就努力將學術界資源注入農業,先養家再養人,暫時搵到個較舒服嘅身位,亦樂見越來越多人用唔同身位發展香港農業。講咁多唔係話諗住即刻搞生意(畢業先算),而係希望大家唔好覺得搵錢就係背叛運動,調整心態去搵更合適的崗位。當然識話人唔識話自己嘅就笑吓無妨,但變成潔癖就冇意思了。

流水革命有巨浪滔天,亦要細水長流。誠邀各路英雄善用黃色經濟圈驚人資本,一齊諗下食物及農業呢個廣闊範疇有咩可能,香港人食香港菜肉魚米果再送花,根本就係本土到爆嘅事(小牛就快啲坐監啦)。由農業資材、產銷科研、基建規劃、物流運輸、市場開發、食物加工、文創活動、食農教育、廚餘再生等等等等,都係努力耕耘嘅農夫希望同各方專家合作發展嘅範疇。我見識淺薄淨係諗到呢啲,大家一定可以搵到更多發展可能!🙇‍♂️

以前講呢啲都總有啲心虛,但最近見梁祖堯開蕎麥麵班三個鐘每人收$1500,重要爆滿再加開,我真係完全mind-blown,黃色經濟圈真係堅過石堅,本土農業要大家一齊做大個餅!😋

文:劉海龍(土地正義聯盟執委)

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s