新聞

留下種子 再見橫洲大樹菠蘿節

【本網訊】來到盛夏,橫洲永寧村、鳳池村、楊屋新村飄來大樹菠蘿香。第二屆橫洲大樹菠蘿節昨日在鳳池村一個小空地舉行,望喚醒外界對鄉村、自然保育的重視。主辦單位指今年將會是三村最後一年收成,意味今年很可能已是最後一屆橫洲大樹菠蘿節。

舉辦及籌備大樹菠蘿節對十多個村民來說,是體力的考驗。他們分工準備大樹菠蘿食品、工作坊導賞團、新書分享會及音樂會。同時也派發大樹菠蘿種子,讓市民在其他地方種下或留作紀念。

三村的象徵

住在楊屋新村已有15年的張太就負責準備不同的大樹菠蘿食品。她去年製作了大樹菠蘿番梘,今年就準備大樹菠蘿果醬、大樹菠蘿啫喱及大樹菠蘿涼茶。「(大樹菠蘿)可以整好多野,都幾得意。」

她認同大樹菠蘿就像三村的象徵,「呢度都好多人種大樹菠蘿㗎。啲收成都幾好。」她笑逐顏開。

IMG_1787

農村的情懷

五十多歲的張太對要搬離楊屋新村感不捨,「其實呢個係我地諗住退休長住既地方黎,係原先既計劃,所有建設都係喺裡面……」從八鄉搬到楊屋新村的她,自小已在農村長大。她習慣農村生活,先生熱愛種植,而且他們若搬出去也不符合申請公屋資格,使兩人都不願離開這片「福地」。

堅持抗爭的動力

她表示村外人未必知橫洲是一個怎樣的地方,昐能藉村內收成讓他們了解這個地方的人和事。她坦言籌備活動沒有比上街遊行來得輕鬆,「成日做抗爭活動,我地都好虛耗好辛苦。我地做呢類型活動,唔同平時走上街咁虛耗自己耐力,呢個係虛耗體力。但正如頭先所講,雖然係辛苦,但我係開心嘅。」

她指經常因為未能改變政府的行動而感無力,但她選擇堅持。「我哋知道我哋既力係好薄弱,我哋知道政府唔聽,但係我哋都係照做,我覺得我無諗過因為咁而唔做。」她說。

「我哋願意去做,其實係想將我哋既聲音比人去多啲了解。要搵同路人,都真係唔容易。有時就算係自己身邊既朋友,都未必可以理解到我哋宜家呢度既情況係點。」她相信活動能聯繫村民及其他市民,有人願意聆聽他們已令她有走下去的動力。

IMG_1785

雖有心態轉變 卻無想過一走了之

「一開始當逐層逐層揭出黎既時候真係好嬲,真係好嬲㗎。同埋個政府嘅政策係一個好大問題,但你唔可以將一個問題呢就要我㗎去承受呢個苦果,你無理由唔理我㗎。」張太表示三村村民就如孤兒,村內人數少,只得一個非原居民村長,力量微弱。

與張太傾談過程中,從她身上看不見憤怒,反倒有那團決心堅持的火。「個時好嬲嘅情緒,到宜家呢個階段,失望就一定會有失望,但能夠去到呢一刻仍要堅持下去真係唔容易。」

橫洲村民的力量沒有能影響一個政策之大,她堅持抗爭因為她有另一期盼。「我真係唔想話,宜家已經少人關注呢件事,都唔洗再咩㗎啦。好多人都會覺得你做平時自己既事啦,唔好再理呢啲野啦,盞自己又失望又唔開心又乜嘢,我都無諗過要自己唔理呢樣嘢,走出去就算。」

地政總署前年就橫洲三村人口作清拆前凍結登記,將於今年底工程撥款建議提交立法會工務小組委員會審議,並向財委會申請撥款後,訂下村民最後遷出期限。

面對即將被迫遷的事實,「我都想一般嘅市民大眾都關心到,原來政府政策係隨時都可以係我哋身邊,對我地有好大嘅影響。」張太最後說道。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s